آسفة يا عروستى
عروستى..
أنا ظلماكى ياريت ألقاكى
وأتأسف لك
وأحضن فرح طفولتى معاكى
كنتى بتستوعبى خيالاتى
وبتشاركينى
بين أحزانى وابتساماتى
كنت بافتش فيك عنى
وعن أصحابى وعن حكاياتى
أنتى بصمتك
حاضنة حياتى
وياما رميتنى الدنيا معاكى
بين الوحدة
وياما بكيت على صدر اللحظة
وياما نترت الحلم فى روحك
وضفرت اليقظة فى طموحاتى
آه يا عروستى
كنت السر .. السحر
مرايه ذاتى
لما كبرت
مارست سكوتك
صمتك موتك
علمتينى أسمع وأستوعب
لما لقونى الصدر الحانى
قربوا منى
وما قدروش يستغنوا عنى
بقيت صندوقهم فيه أسرارهم
وثقوا فيا وف قراراتى
مهما بان الحزن علياّ
كانوا بيمارسوا نفس اللعبة
مهما صرخت فياّ آهاتى
آه يا عروستى
أول مرة أحس بظلمك
ياريت ألقاكى
علشان أتأسف
ليست هناك تعليقات:
إرسال تعليق