شباب النيل
صباح الخير
على شبابنا عيون النيل
صباح الخير
على عصفور
ف ساعة صبح بيشقشق
ينادى الخير
قلوبنا الخضرا بنقائها
بترقرق وتتزوق
ف حضن الخير
تكون بسمة
تكون نسمة فى مشوارنا
صباح مشتاق
لروح همه وحنينه
تنادى نجاح وحرية
تصلى الفجر وتكبر
صباح دايم ف طموحاتنا
وبين ذاتنا وزوادنا
يناجى الحب أرواحنا
صباح وضاح
بمعنى الصدق والرحمة
عملنا دؤوب
يداوى الفرح ف جروحنا
يساعد غيره ف المحنة
صباح مواله
صوت نغمة
بتبدرع الوجود أفراح
عمل صانع.. عمل فلاح
وأيد واحدة بتتوحد
وبتحدد مبادئنا
صباح الخير
على طالب يجاهد ويا مشواره
واسم بلاده أشعاره وأنواره
ويديها ومن دمه وأفكاره
يعليها.. يطورها
ويحمى تراثها وآثارها
ويفديها ويبنيها
يكون رمز الكفاح فيها يدافع عنها ويصونها
ويحميها ويرضيها
صباح الخير
على شبابنا
عيون النيل
ليست هناك تعليقات:
إرسال تعليق