يا حنين قوى
يا دمع يا اللى عشقتنى
عاشق خدودى برقتك
وبعدين معاك
حيرنى ليه
دايما هواك
طبطب علياّ وهزنى
اشتقتلك..
منديلى لك باعت سلام
وعيونى تستناك
يا سلوى دايما وحدتى
سحرك دوا
بين جفونى ينهوى
يا صاحبى يا حنين قوى
يا دمع يا اللى عشقتنى
أنا كمان
بارتوى بين حضن موجك
لحظة وجودك
فوران ف روحى
يصرخ ينشوى
ونبض قلبى غرقان بشكوى
وأنت لوحدك محتوى
أنت الوحيد اللى مشاركنى
أزمتى ومحنتى ووحدتى
وكتوم لسرى ورغبتى
يا صاحبى يا حنين قوى
يا دمع يا اللى عشقتنى
ليست هناك تعليقات:
إرسال تعليق