على صدر الوطن
(يا مدينتي)
يا اللي رايتك
من دمايا ومن أسايا ومن حنيني
يا اللي حبك
نهر سارى بيحتويني
زملينى .. دثرينى
لملمينى .. وحدينى
انزعينى من عذابى واغترابى
ضمدى جروحى وشبابى
افتحى قلبك لقلبى
واحضنينى
سمعينى ضحكتى
امسحى لى دمعتى
فكى عنى كربتى
حسى فاقد بهجتى
ودعى فياً أنينى
وانصحينى وفرحينى
افتحى لى دراع أمانك
وامنحينى نجمك
فوق جبيتى توجينى
نورينى.. علمينى.. طببينى
ريحينى.. فهمينى
ف انتظارك طال حنينى
قربينى.. وقربى لى
زملينى.. دثرينى.. احضنينى
ليست هناك تعليقات:
إرسال تعليق