أغنية السلام
غنى غني للسلام
لأجل أيامنا اللى جاية
السما حاضنة النجوم
احضنينا يا أرضنا يا أمنا
بددى كل الغيوم
فجرى الخير اللى فينا
وابدريه ع الإنسانية
رجعينا طيبين مسالمين
افرشينا بالتفاؤل
جددى فينا الرضا
والمحبة ع المدى
غنى غني للسلام
أطوى فى حروف السؤال
وضحى شمس الإجابة
لسه فى عقولنا استجابة
علمينا
فاض خلاص الجرح بينا
لملمينا ف الشروق
وأبعدى الأحزان لفوق
فوقينا من آهاتنا
دى الحروب سرقت ولادنا
والدمار حوط علينا
احضنينا
نيمينا فوق جناحك
قلبنا عاشق براحك
حولينا طيبين مسالمين
غنى غني للسلام
ضحكينا من قلوبنا
طهرينا من ذنوبنا
قيدى لينا نور طريقنا
وأمسكى أيدينا اللى فارقت
جميعنا وعدى بينا
ولضمينا بالأمان
أغسلينا بالإيمان
رجعينا طيبين مسالمين
غنى عني للسلام
ليست هناك تعليقات:
إرسال تعليق